藝人黃子華的棟篤笑昨晚正式開鑼，吸引大批圈中人前往「朝聖」。其中鄭中基和謝天華更陪同懷有身孕的太太到場，實行胎教齊齊笑餐飽。

藝人黃子華共11場棟篤笑《唔黐線 唔正常》昨晚於紅磡香港體育館正式開鑼，全場爆滿。多位圈中好友到場支持，包括吳鎮宇夫婦、陳奕迅、張智霖、袁詠儀、古巨基、蔡一智、伍詠薇、樂易玲與母親、張達明、谷德昭和姚嘉妮等。

鄭中基和謝天華更陪同有身孕的太太到場「笑餐飽」，鄭中基透露太太余思敏懷孕五個月，正為兒子改名而頭痛，問到太太是否不適宜大笑？他笑說：「你問番佢啦！」而謝天華同樣與懷孕的太太到場，他笑言現在做了「小貴子」要侍候太太，但未清楚BB生肖，他說：「其實未照嘅，仔女都冇所謂，名都未改，但一定唔會叫『Laughing』，依家做準父親心情緊張過拍開槍戲，盡量入產房陪太太開刀生。（又話唔知預產期？）嗰段時段都係好日子。」

張達明蒲頭偷師
久未露面的張達明則表示健康狀況「可以」，但亦不能接受太辛苦的工作：「但都想盡量正常工作，希望可以搞騷，所以嚟向黃子華偷師。」至於林子善透露在灣仔和大坑都有開設食肆，近日受到普選爭議事件影響，生意下跌三、四成，惟有之後日子更加努力。

黃子華甫開場便大放笑彈反問觀眾：「咩世代？仲咁歡樂成何體統？仲有心情聽人講笑。」又指「嗌回水已經落後，要嗌倒抽一口涼氣」、「依家香港中咗毒」、「佔中、反佔中，對唔住，我傷風，食咗藥，口乾，飲啖水先。件事點理解？你整容呀？會毀容喎！」、「中港關係，係婆媳關係，必然賴嘢。」令全場捧腹大笑！

黃子華在台上大放笑彈，令現場笑聲不絕！