是夜嘉賓係子華神黃子華，佢上台時已經同抱恙且首場提議「可唔可以退票」嘅Sammi提出「忠告」，佢話：「我成日病，我成日表演，我試過臨出場，喺個廁所又屙又嘔，真係攬住個廁所出場。而作為一個專業嘅表演者，最緊要係乜嘢？就係：唔好回水！」全場大笑，就連走晒音嘅Sammi，都忍唔住大笑。

子華神再強調：「係唔可以回水㗎！」笑到走音停唔到嘅Sammi差啲要抱住個肚：「冇問題！」子華即道：「你冇問題？你影響好多人你知唔知道？」Sammi無奈道：「唔關我事呀……」唔好緊張豬，子華神講笑同大家warm up下啫！」

子華神做Sammi第二場嘅嘉賓。