黃子華近照變紙板人粉絲紛紛留言：太瘦了！

2013年9月4日 | 蘋果日報

7月無綫劇《My盛Lady》已經煞咗科，男主角黃子華之後都只係喺「暗中作樂2013」聲演會幫手，跟住都冇咩點出席公開活動。

本來已經好瘦，又不時俾人影到暴瘦傳患病嘅子華，今日佢個FB官方專頁就放咗佢張近照寫住：「終於「蒲」出來的他！may P.S. 這個是無端端被人嗌住要影相的pose呀！Haha！」子華聽日就53歲生日啦，好多粉絲當然有祝佢生日快樂啦！但更多人係留意到子華真係愈來愈瘦，就嚟變紙板人咁滯，粉絲都紛紛叮囑佢要食多啲嘢，肥返啲先好睇嘛！