黃子華同許志安今日喺香港仔出席饑饉30活動，向營友分享同打氣，子華透露幾星期後，就會返TVB開工，今次夥拍緋聞女王徐子珊，問佢怕唔怕傳緋聞？
子華講笑咁話：「最驚冇緋聞，我會盡量配合，畀機會大家發掘。」上次佢同佘詩曼拍《絕代商驕》，女方係加強版緋聞女王，嗰陣子華見到佢就避之則吉，依家，睇通睇透了吧。

子華話都有睇過吓子珊啲劇，覺得佢係可塑性好高同好用功嘅人。問佢介唔介意同子珊拍接吻親熱戲？子華就大反應咁話：「嘩！同一個靚女咀點可以話介意，會落地獄㗎！」

趁未開工前，子華一個人去咗旅行：「去咗好多地方，之前喺泰國，經過一條好黑嘅天橋底，見到有個女人抱住個小朋友不停喊，我忍唔住畀咗啲錢佢，覺得付出好少就可能有個契機令佢轉變，點解唔做呢？」

黃子華（左）話唔介意同徐子珊拍Kiss戲，仲打趣謂介意的話會落地獄㗎！

黃子華出席饑饉30活動，同營友分享打氣。