藝人黃子華回巢為無綫拍攝文偉鴻監製的新劇《My盛Lady》，昨日他以拖鞋短褲街坊Look於將軍澳電視城試造型，明顯消瘦的子華說：「監製都擔心我，好認真咁問我有冇事，我要澄清身體從來都OK，只係Keep Fit，我都真係幾Fit吓，依家130幾磅，但係面瘦身唔瘦，胸肌同肚腩都有。」

提到劇中對手徐子珊早前被指夥拍他感到壓力，子華笑說：「我哋之前成班演員食過飯，啲女仔仲瘦呀！難得返嚟拍劇，到時會好長時間排練，希望佢哋唔會嫌多啦！」近期無綫劇集收視麻麻，要靠子華振聲威，他笑說：「靠我就死得啦！套劇起碼要半年後先會出街，TVB好強嘅，放心啦！」

以一身街坊Look示人的子華，為新劇試造型。