子華神黃子華嘅Facebook專頁，閒時都好少有貼嘢出嚟，不過今日就有喇，仲要係一條子華神嘅自拍片，內容就係子華坐車嘅時候塞車，佢話：「大家嚟睇下咩情況，依家係非常驚險嘅情況，望下周圍（影住塞車），塞死晒，塞死晒有咩咁驚險呢？冇乜咁驚險嘅，其實咪等下囉。」

冇錯喇，子華神都話等下囉，不過條片未完嘅，佢仲話：「問題係過多五分鐘，我要去DoDo個節目，我對上一次遲到，佢對住我黑面咗一個早上，拍《男親女愛》，依家睇怕都凶多吉少。」

咁到底最後點呢？喺子華貼過條片十五分鐘左右之後，Do姐就喺IG貼咗一張同子華嘅合照，睇嚟子華都唔係遲咗好多。

Do姐影相都笑得好開心（鄭裕玲IG圖片）

子華係咪好擔心Do姐會黑面呢？（黃子華Facebook專頁圖片）